I Catálogo da colección de postais do arquivo do Concello da Coruña |
Impresionante instantánea tomada desde o medio da ría da Coruña na que se poden ollar unha serie de elementos imposíbeis de ver hoxe en día (de esquerda a dereita):
- O antigo cárcere, substituído polo cárcere provincial da Agra de San Amaro (fronte a Torre de Hércules). O seu lugar ocúpao desde os anos '40 o hotel Finisterre.
- O mar chegando ás murallas. Primeiro a "Solana", logo o dique de "abrigo" e posteriormente os recheos para ampliar o paseo e as instalacións náuticas da zona desfixeron por completo esta fermosísima panorámica.
- O hospital Abente y Lago, por aquel entón hospital militar, antes das sucesivas reformas e ampliacións que o fixeron desentoar -polas súas proporcións- coa contorna.
- A igrexa de San Francisco, trasladada pedra a pedra nos anos '60 á zona entre o parque de Santa Margarida e Cidade Xardín.
Ningún comentario:
Publicar un comentario