2 de feb. de 2009

Hotel Finisterre, praia do Parrote e vista do porto

III Catálogo da colección de postais do arquivo do Concello da Coruña

Á dereita da imaxe destaca o por aquel entón novo Hotel Finisterre, erguido case enriba dos restos do antigo cárcere, no Parrote.

Daquela coruñeses e visitantes aínda podían gozar da pequena praia que había ao pé da muralla e que nas décadas posteriores sería soterrada para dar paso ás instalacións recreativas privadas de La Solana (dentro do recinto do propio hotel).

Durante moitos anos ditas instalacións impedirían o libre acceso ao mar nesa zona ata que a comezos da década dos '90 un novo enchido na badía por parte da Autoridade Portuaria permitiu a construción dun paseo marítimo que volvía permitir o tránsito de persoas entre a dársena da Mariña e o castelo de San Antón pola beira do mar.

Ningún comentario:

Publicar un comentario